Türkiyədə tarix yazmaq istəyirik. Zəlzələ öncəsi yaranan xəbərdarlıqların həqiqi olduğunu, yəni təbiətin bu fəlakətdən bir neçə gün əvvəl xəbər verdiyini sübut etmək niyyətindəyik.

Axar.az xəbər verir ki, bu sözləri "NASA GeoCosmo"nun direktor müavini Ronald Karel deyib.

O, heyvanların qəribə davranışlarına görə zəlzələnin öncədən müəyyənləşdirmənin mümkün olduğunu bildirib:

"Bunun insanlara təsiri üzərində çalışmağı düşünürük. Belə ki, Türkiyədə pilot layihə hazırlamağı planlaşdırırıq. Bu layihədə 2 məqam var: Yerdəki stansiyalar və peyk məlumatları. Stansiyalarla bağlı bir çox parametrlər yoxlanılacaq və sensorlar yerləşdiriləcək. Zəlzələ öncəsi meydana gələn 12 ədəd paremetr var. Bunları araşdırdıqdan sonra Cenevrədə toplantı keçirəcəyik".