Bu gün Çeçenistanın paytaxtı Qroznıda terror aktı baş verib.

Axar.az xəbər verir ki, Qroznının girişində, Əlxanyurd yolu üzərində bir nəfər özünü partladıb.

Terrorçu kamikadze polisə yaxınlaşaraq itən qoyun sürüsünü axtardığını deyib və daha sonra özünü partladıb. Bu an başqa bir terrorçu polis bölməsinə əl bombası atıb. Polislərin açdığı atəş nəticəsində terrorçu öldürülüb.

Rəsmi açıqlamada təhlükəsizlik əməkdaşlarından xəsarət alanın olmadığı bildirilib.

Araşdırma nəticəsində bəlli olub ki, hücumu törədənlər 1989-cu il təvəllüdlü Şamil Canaraliev və 1991-ci il təvəllüdlü Əhməd İnavot olub.