Ana səhifə Gündəm |
Qənirə Paşayeva Afrika İttifaqının Qadın, sülh və təhlükəsizlik məsələləri üzrə xüsusi elçisi Bineta Diopla görüşüb.
Axar.az xəbər verir ki, görüş zamanı Dağlıq Qarabağdan danışılıb.
Eyni zamanda, Azərbaycanda multikulturalizm, qadınların cəmiyyətdə rolu, öz evinə dönə bilməyən köçkün qadınlarımız və dünyanın hər yerində olan fəal qadınların onlara dəstəyinin daha da artırılmasının önəmi vurğulanıb.
Q.Paşayeva bildirib ki, beynəlxalq aləmdə nüfuzlu qadınlar Ermənistanın işğalçı addımlarına seyrçi qalmamalı, azərbaycanlı qaçqın və məcburi köçkünlərin öz evlərinə dönməsi istiqamətində səylərini artırmalıdırlar.
Millət vəkili sonda Bineta Diopa Dağlıq Qarabağ münaqişəsi və Ermənistanın işğal etdiyi Azərbaycan torpaqlarında törətdiyi vandalizm aktlarından bəhs edən "Azərbaycan həqiqətləri" filmləri kataloqunu və materialları təqdim edib.
Tarix
2016.05.25 / 11:57
|
Müəllif
Aygün Yusibova
|