Ana səhifə Planet |
Bu gün Ümumpravoslav Məclisi start götürəcək.
Axar.az xəbər verir ki, bu barədə informasiyanı Rusiya mətbuatı yayıb. Mətbuat artıq bir sıra pravoslav liderlərinin məclisin keçiriləcəyi Krit adasına yığışdığını bildirib. Adaya həmçinin Konstantinopol patriarxı Varfolomey də gəlib. O, səfərindən öncə yenidən bütün pravoslavlara müraciət edib və onları bütün problemlərin həlli üçün Kritə çağırıb.
Maraqlı məqam orasıdır ki, Kritə Serb Pravoslav Kilsəsinin rəhbəri də gəlib. Ümumiyyətlə, Kritdə Kipr, Slovakiya, Rumıniya, Polşa, Albaniya, Yunanıstan, Qüds pravoslav kilsələrinin rəhbərlərinin gələcəyi gözlənilir.
Qeyd edək ki, məhz Serb Pravoslav Kilsəsi bir müddət öncə Ümumpravoslav Məclisində iştirak etməyəcəyini bildirmişdi. İndiyə qədər Rusiya, Gürcüstan və Bolqarıstan pravoslav kilsələri də Ümumpravoslav Məclisində iştirak etməyəcəklərini açıqlayıblar.
Sonuncu dəfə Ümumpravoslav Məclisi VIII əsrdə baş tutub. Krit adasındakı tədbir 26 iyuna qədər davam edəcək.
Tarix
2016.06.16 / 10:15
|
Müəllif
İlkin Həsənov
|