Ana səhifə Avto |
“Əpl” şirkəti istifadəçilərin səbirsizliklə gözlədiyi yeni Ayfon-8 smartfon modelinin təqdimatını oktyabradək təxirə salıb.
Azərtac xəbər verir ki, məlumata görə, buna səbəb kimi smartfonun hazırlanmasında proqram təminatının simsiz enerjidoldurmaya uyğun gəlməməsi ilə əlaqədar yaranan nasazlıqlar göstərilir. Şirkətin bir aylıq təxirə salma müddətinin modernləşdirmə və nasazlıqların aradan qaldırılması işlərinə sərf edəcəyi ehtimal olunur.
Bildirilir ki, bundan əvvəl yeni qurğunun avqustda ənənəvi təqdimatda nümayiş olunacağı planlaşdırılsa da, Ayfon-8 əvəzinə, “Ayfon SE” modelinin nümayişi gözlənilir.
Ekspertlərin Ayfon-8 smartfonunun ümumiyyətlə buraxılmayacağını proqnozlaşdırmalarına baxmayaraq, “Ayfon SE” modelinin dünyada, xüsusilə Hindistan bazarında populyarlıq qazanacağına böyük ümidlər bəslənilir.
“Ayfon SE” smartfonunda edilən dəyişikliklər arasında yaddaş tutumunun artırılması, eləcə də qiymətinin ucuzlaşdırılması qeyd olunur. Qurğunun əvvəlki qiyməti 489 avro nəzərdə tutulsa da, hazırda 399 avroya endirilib.
Tarix
2017.07.22 / 02:00
|
Müəllif
Axar.az
|