Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 Aprel 2018


Lombardi: "Azərbaycan Qafqazın İsveçrəsidir"

Ana səhifə Gündəm
12 Punto 14 Punto 16 Punto 18 Punto

Azərbaycan ilə İsveçrə arasında siyasi əlaqələr yüksək səviyyədədir. Hər iki ölkə bir çox oxşarlıqlara malikdir, coğrafi baxımdan zəngin, rəngarəngdir. İsveçrə Alp dağları zonasındadır, bu dağlar onu qonşu ölkələrlə birləşdirir. Azərbaycanın Böyük Qafqaz dağları bir neçə xalqı əhatə edir və onlar birlikdə yaşayırlar.

Axar.az xəbər verir ki, bu fikirləri Azərtac-a müsahibəsində Avropa Şurası Parlament Assambleyasının üzvü olan isveçrəli parlamentari Filippo Lombardi deyib.

İsveçrə-Azərbaycan Dostluq Qrupunun sədri kimi Azərbaycan parlamentinin, hökumətinin üzvləri ilə dəfələrlə görüşdüyünü qeyd edən Filippo Lombardi İsveçrənin xarici işlər naziri Didye Burxalterin bir neçə dəfə Azərbaycana səfər etdiyini, iki ölkə arasında yaxşı münasibətlərin və qarşılıqlı anlaşmanın olduğunu söyləyib.

“Azərbaycana Qafqazın İsveçrəsi deyərdim. Azərbaycan beynəlxalq aləmə, tərəfdaşlarına açıqdır. Bu, çox vacibdir”, - deyə Filippo Lombardi qeyd edib.

İsveçrə-Azərbaycan Dostluq Qrupunun sədri deyib ki, iki ölkə arasında iqtisadi əlaqələrin daha da inkişafı üçün böyük potensial mövcuddur. İsveçrə TANAP layihəsində iştirak etməkdə maraqlıdır və enerji təchizatının şaxələndirilməsinə çalışır. “Ölkəmizin yeraltı enerji ehtiyatları yoxdur, buna görə də bütün enerji ehtiyatlarını idxal edirik. Bu baxımdan, ikitərəfli iqtisadi əlaqələri İsveçrə iqtisadiyyatının əsas istiqamətləri olan maşınqayırma, kimya və əczaçılıq sənayesi sahələrində daha da genişləndirə bilərik. Turizmlə bağlı İsveçrənin xüsusi ənənələri var, bu sahədə müvafiq məlumatlar, iş metodlarına dair mübadilə apara bilərik. Hər iki ölkədə olan xizək kompleksləri arasında təcrübə mübadiləsi təşkil edilə bilər”, - deyə Filippo Lombardi bildirib.

Ermənistan-Azərbaycan, Dağlıq Qarabağ münaqişəsinə toxunan isveçrəli parlamentari bildirib ki, bu münaqişənin həlli asan deyil. İsveçrə bu sahədə hər iki ölkəyə vasitəçilik missiyasını təklif edə bilər. O, iki ölkə parlamentarilərinin bu istiqamətdə görüşlərinin keçirilməsinin vacibliyini qeyd edib. Bildirib ki, 25 ildir davam edən münaqişənin tezliklə sülh yolu ilə həllini tapmasının tərəfdarıdır.

Tarix
2017.04.21 / 19:41
Müəllif
Axar.az
Şərhlər
Загрузка...
Digər xəbərlər

Sərkisyan birbaşa Bakının istəyini yerinə yetirir – İnanılmaz

Supergüc generalları yenə Bakını seçdi – Müzakirə

ABŞ-dan İrəvan xəbərdarlığı: Ehtiyatlı olun

Qarabağda müharibə başlayır? - Rus politoloqdan sensasiya

İrəvanda məxməri inqilab, yoxsa Qərb-Kreml toqquşması?

Rusiya-Türkiyə yaxınlaşması Qarabağa nə vəd edir? - Şərh

Ərdoğandan çətin qərar: arzulanmaz sürpriz ola bilər

Məhəmməd Əlini həbs etdilər, Gibson təcrid olundu, çünki...

Prezident xəbərdarlıq etdi: Buna son qoyulmalıdır

Bakı bizim qürur mənbəyimizdir - Prezident

KULT
<>
Xəbər xətti
 
Axar.az'da reklam Bağla
Reklam
Bize yazin Bağla