Bakını götürək və məsələni birdəfəlik bağlayaq.

Axar.az xəbər verir ki, bu sözləri Qarabağ separatçılarının ilk komandiri Arkadi Karapetyan erməni mediasına müsahibəsində deyib. O bildirib ki, “Bakını tutmaq üçün” öz millətimizi sahmana salmalıyıq.

“Mən Kazan planı, Madrid prinsipləri kimi güzəştləri tanımıram, çünki onların hamısı bizim üçün rüsvayçı razılaşmadır. Biz güzəşt edə bilmərik”, - Karapetyan Ermənistan Prezidenti Serj Sərkisyanın Kazan variantında status-kvonun dəyişdirilməsi ilə bağlı fikirlərinə münasibət bildirərkən deyib.

Karapetyan cəbhə bölgəsində göndərməyə əsgər tapmayan Ermənistan hakimiyyətinin “millət-ordu” layihəsindən də danışıb:

“Nə vaxta qədər ki, müqavimət qüvvələri yaradılmayıb, Ermənistan silah istehsalına başlamayıb, “millət-ordu” məsələsi gözəl söz və illüziya olaraq qalacaq. Bunlar əsas şeylərdir, əgər bunlar olmasa, digərləri danışıqlar səviyyəsində qalacaq”.