Azərbaycan Respublikasının müdafiə sənayesi naziri Yavər Camalov ölkəmizdə səfərdə olan İran İslam Respublikasının müdafiə və silahlı qüvvələrə dəstək naziri, general-mayor Əmir Hatəminin başçılıq etdiyi geniş tərkibli nümayəndə heyəti ilə görüşüb.

Müdafiə Sənayesi Nazirliyindən (MSN) Axar.az-a bildiriblər ki, Yavər Camalov nümayəndə heyətinə nazirliyin fəaliyyəti ilə bağlı məlumat verib.

Görüşdə iki ölkə arasında müdafiə sənayesi sahəsində əməkdaşlığın inkişaf perspektivlərinə dair fikir mübadiləsi aparılıb.

Nümayəndə heyətinin rəhbəri, general-mayor Əmir Hatəmi səmimi görüşə görə minnətdarlığını bildirib.

Görüşdə İranın Azərbaycandakı səfiri Cavad Cahangirzadə də iştirak edib.