Ana səhifə Hadisə |
Berlin Etnologiya Muzeyində Azərbaycan, Əfqanıstan, İran, Qazaxıstan, Qırğızıstan, Pakistan, Tacikistan, Türkiyə, Türkmənistan və Özbəkistanın Almaniyadakı səfirliklərinin təşkilatçılığı ilə Novruz bayramına həsr olunmuş ənənəvi bayram tədbiri keçirilib.
Axar.az xəbər verir ki, Etnologiya Muzeyinin direktoru Viola Köniq iştirakçıları salamlayaraq tədbiri açıq elan edib.
“Etnologiya Muzeyinin Dostları” İctimai Birliyinin sədri Folker Hassemer Novruz bayramının qədim tarixə malik olduğunu və onun geniş coğrafi məkanda qeyd edildiyini bildirib.
Daha sonra iştirakçı ölkələrdən gəlmiş mədəniyyət nümayəndələri öz proqramları ilə çıxış ediblər.
Azərbaycanın Almaniyadakı səfirliyinin təşkilatçılığı və Mədəniyyət və Turizm Nazirliyinin dəstəyi ilə ölkəmizi tədbirdə Gülay Zeynallı, Humay Qədimova və Sevinc Qədimovadan ibarət muğam üçlüyü təmsil edib. Üçlüyün ifa etdiyi “Azərbaycan”, “Şuşanın dağları” və digər bəstəkar və xalq mahnıları tamaşaçılar tərəfindən gurultulu alqışlarla qarşılanıb.
Tədbirin aparıcısı qədim tarixə malik muğam sənətinin Azərbaycan xalqının həyatında və dünya mədəni irsində özünəməxsus yer tutduğunu vurğulayıb.
Tədbirdə, eyni zamanda, iştirakçı ölkələrin milli-mədəni irsi və adət-ənənələrini əks etdirən sərgi nümayiş olunub.
Tarix
2017.03.27 / 00:32
|
Müəllif
Axar.az
|