Bakı Dövlət Universiteti Jurnalistika fakültəsinin “Beynəlxalq Jurnalistika Məktəbi” layihəsinə start verilib.

BDU-nun mətbuat xidmətindən Kult.az-a verilən məlumata görə, layihə çərçivəsində həyata keçiriləcək 10 təlimdə beynəlxalq jurnalistikaya həvəs göstərən tələbələr müxtəlif sahələr üzrə bilik və bacarıqlara yiyələnəcəklər. Məktəbin dərslərini beynəlxalq jurnalistika sahəsində nəzəri və təcrübi biliklərə malik yerli və xarici təlimçilər aparacaq.

“Beynəlxalq Jurnalistika Məktəbi”nin məzunu olmaq istəyənlər bu linkdən qeydiyyatdan keçə bilər. Müraciət üçün son tarix 15 dekabrdır.

Qeyd edək ki, 10 təlimin hamısında iştirak edən məzunlar sertifikat alacaqlar. Layihənin rəhbərləri - Jurnalistika fakültəsinin dekanı, dosent Vüqar Zifəroğlu, Beynəlxalq jurnalistika kafedrasının dosentləri - Pərvanə İbrahimova, Vəfa Aslan, koordinatorları isə həmin kafedranın doktorantı Nərminə Əsədova və magistrı Nurlan Ağadır. Layihəyə təşkilati dəstəyi Beynəlxalq jurnalistika kafedrası və Tədris-teleradio studiyası verir.