ABŞ-da Nobel mükafatı laureatı Eyiti Neqisi ağır vəziyyətdə xəstəxanaya yerləşdirilib, onun xanımının nəşi isə küçədə tapılıb.

Kult.az xəbər verir ki, İndiana polisi Neqisiləri qohumlarının müraciətindən sonra axtarmağa başlayıb. Qohumları onların itkin düşdüyünü ötən gün bildirib. Axtarışa çıxan polis isə 82 yaşlı dünya şöhrətli alimi şosse kənarında tapıb. Az sonra isə onun 80 yaşlı xanımının meyiti də aşkarlanıb.

Məlumata görə, alim xanımı ilə birgə aeroporta gedirmiş. Yolda azıblar və Neqisi maşından düşərək, kömək axtarmağa gedib və halı pisləşdiyi üçün yıxılıb, geri qayıda bilməyib. Ərinin qayıtmamasından narahat olan xanımı da maşından düşüb və az sonra yolda keçinib.

Xanım Neqisinin ölüm səbəbi bəlli deyil. Polis onun meyiti üzərində heç bir zorakılıq və ya qəsd əlaməti aşkarlamayıb.

Əslən yapon olan Neqisi 50 ildən çoxdur ki, ABŞ-da yaşayır. 2010-cu ildə kimya üzrə Nobel mükabatına layiq görülüb.