Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 Noyabr 2018


Görkəmi gözəl, dili qüsurlu aparıcılar... - Akademik

Ana səhifə Hadisə
12 Punto 14 Punto 16 Punto 18 Punto

Monitorinq Mərkəzinin Dövlət Dil Komissiyasının yanında yaradılmasının əhəmiyyəti böyükdür. Çünki Dövlət Dil Komissiyasında bu sahə üzrə kifayət qədər təcrübəli mütəxəssislər var. Ayrıca monitorinq qrupunun olması ona görə vacibdir ki, onlar bu işlə birbaşa və ardıcıl formada məşğul olacaqlar. Həmin monitorinqlərdən sonra biz görəcəyik ki, səhvlər haradadır.

Bu sözləri Kult.az-a açıqlamasında akademik, millət vəkili Nizami Cəfərov Prezident İlham Əliyevin Dövlət Dil Komissiyası yanında Monitorinq Mərkəzinin yaradılması barədə fərmanı haqda danışarkən deyib. O bildirib ki, KİV-də və reklam lövhələrində ədəbi dilin normalarının nə dərəcədə qorunmasının yoxlanılmasına ciddi ehtiyac var:

“Bu sahələrdə vaxtlı-vaxtında monitorinqlər aparılmalı, hansı istiqamətdə daha çox səhvlərə yol verilməsi müəyyənləşdirilməli və aradan qaldırılması üçün tədbilər görülməlidir.

Kütləvi informasiya vasitələrində, xüsusilə internet resurslarında səhvlər həddindən artıq çox olur. Bunun da əsas səbəbi odur ki, internet resurslarında, savadlılıq səviyyəsindən asılı olmayaraq, bütün cəmiyyət iştirak edir. Əksər hallarda reklamlar başdansovdu hazırlanır.

Bu da faktdır ki, özəl televiziya və kütləvi informasiya vasitələri ilə müqayisədə, dövlət qəzetlərimizdə və televiziyalarda ədəbi dilin normalarının pozulması hallarına daha az rast gəlinir.

Televiziyalarda bəzən aparıcıların görkəmi, məntiqi efirə uyğun olsa da, nitqi qüsurlu olur. Ən böyük təhlükələrdən biri də başqa dillərin intonasiyasının dilimizə gətirilməsidir. Çünki bizdə yazılı nitqdən fərqli olaraq, şifahi nitqimizdə kütləvi ədəbilik səviyyəsi aşağıdır. Hər bir aparıcı bilməlidir ki, ədəbi dilin normalarına riayət edərək danışmaq onun işinin spesifikasına aiddir”.

Millət vəkili məişət danışığından istifadə olunmasına, eləcə də əcnəbi söz və ifadələrin yersiz işlədilməsinə də münasibət bildirib:

“Ədəbi dilin ən kütləvi üslublarından biri ailə-məişət üslubudur. Bu üslub bizim həm bədii, həm elmi, həm də publisistik dilimizə xeyli təsir göstərir. Bu üslubu qadağan etmək olmaz, amma ədəbi dilin normalarının gözlənildiyi məqamlara diqqət yetirmək lazımdır”.

Qeyd edək ki, Prezident İlham Əliyev Azərbaycan dilinin saflığının qorunması və dövlət dilindən istifadənin daha da təkmilləşdirilməsi ilə bağlı fərman imzalayıb.

Fərmana əsasən, Azərbaycan Respublikasının dövlət dilinin tətbiqinə nəzarət edən, kütləvi informasiya vasitələrində, internet resurslarında və reklam daşıyıcılarında ədəbi dil normalarının qorunmasını təmin edən, dövlət büdcəsindən maliyyələşən “Azərbaycan Respublikasının Dövlət Dil Komissiyası yanında Monitorinq Mərkəzi”nin yaradılması nəzərdə tutulub.

Tarix
2018.11.05 / 17:43
Müəllif
Büllurə Yunus
Şərhlər
Загрузка...
Digər xəbərlər

Kosovoda himnimizə qarşı hörmətsizlik...

Deputat “Diriliş Ərtoğrul”un qəhrəmanı ilə görüşdü - Foto

“Atalar və Qızlar” layihəsi: Video çək, iştirak et

Paşayeva onun ölümü haqda: Dünən bir yerdəydik... - Foto

Xalq artisti: Qavalı başına vururam... - Foto

Güneyli futbolçular “Qarabağ”ı xorla oxudu - Video

Novruz Novruzlu vəfat etdi

Gürcüstanda azərbaycanlı jurnalist dünyasını dəyişdi

Bakıda xurmadan meyvə milçəyi aşkarlandı - Foto

Kral ailəsində “Markl qasırğası”: Etiket qaydalarını pozur

KULT
<>
Xəbər xətti
 
  
  
Axar.az'da reklam Bağla
Reklam
Bize yazin Bağla