Bu gün uzun sürən xəstəlikdən sonra dünyasını dəyişən xalq artisti Amaliya Pənahova sosial şəbəkədə sonuncu dəfə tələbələrinin videosunu paylaşıb.

Kult.az xəbər verir ki, A.Pənahovanın rəhbəri olduğu Bakı Bələdiyyə Teatrının gənc aktyor və aktrisalarının birgə lentə alındığı videoda xalq artisti özü yoxdur.

“Şanlı Vətən” tamaşasından sonra lentə alınan görüntülərdə xalq artistinin tələbələri ona salam göndərir və kollektivi təbrik edirlər.

Görüntülərdən məlum olur ki, Amaliya xanım xəstəliyi ilə əlaqədar tamaşanı izləyə bilmədiyi üçün tələbələri ona belə bir jest edib.

Xatırladaq ki, 73 yaşlı xalq artisti Amaliya Pənahova bu gün dünyasını dəyişib.