Baş verənlər bizi ciddi mənada üzdü. Bu futbol terrorundan da artıq bir şeydir. Açıq danışmaq lazımdırsa, burada bir qurma var.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan ötən gün baş verən hadisələrə görə təxirə salınan “Fənərbaxça”- “Beşiktaş” oyunu barədə danışarkən deyib.

“Diqqət yetirdinizsə, hadisələr həmişə künc nöqtəsi yaxınlıqlarında baş verdi. Bu terroru kimlərsə təşkil etdi. Bu, özbaşına baş verən bir şey deyil. Oyun kifayət qədər maraqlı davam edirdi. Şenol Günəşin başına gələnlər qəbuledilməzdir. Kaş ki, Tolqa da orada bu işin içinə girməmiş olaydı. Ancaq Şenol xocaya edilənləri əfv etmək mümkün deyil. Şenol Günəşə də, Əziz Yıldırıma da zəng etdim. Hamısı vəziyyətdən çox şikayətçidir”, - Ərdoğan deyib.