Ana səhifə İqtisadiyyat |
Qeyri-neft sektorunun inkişafı prioritet sahədir.
Axar.az xəbər verir ki, bunu Prezident İlham Əliyev ötən gün Saatlıda pambıqçılığın inkişafı məsələlərinə dair respublika müşavirəsində yekun nitqində deyib.
"Sahibkarlığa Kömək Milli Fondunun xətti ilə bu günə qədər iş adamlarına 2 milyard manatdan çox güzəştli şərtlərlə kreditlər verilib. Bu kreditlər hesabına on minlərlə yeni iş yeri, yüzlərlə, minlərlə yeni müəssisə yaradılıbdır. 2017-ci ilin ilin ilk iki ayında qeyri-neft sənayesi 5 faiz, kənd təsərrüfatı isə 3 faizdən çox artıb", - İlham Əliyev qeyd edib.
Prezident vurğulayıb ki, Azərbaycanda fermerlər üçün yaradılmış şərait heç bir başqa ölkədə yoxdur. Fermerlər torpaq vergisi istisna olmaqla, bütün vergilərdən azaddırlar. 2016-cı ildə Azərbaycanda tütünçülük və baramaçılıqda ciddi dönüş yaranıb. Üzümçülüyün inkişafı sürətlə gedir, şərab məhsullarının ixracı artır.
"Qeyri-neft məhsullarının, xüsusilə kənd təsərrüfatı məhsullarının ixracı əsas vəzifədir", - İlham Əliyev qeyd edib.
Tarix
2017.03.29 / 21:28
|
Müəllif
Axar.az
|