Gözlənildiyi kimi, neftin dünya bazar qiymətində yenidən azalmalar müşahidə edilməyib başlayıb. “Brent” markalı neftin hər barreli son 2 gündəö 3 faizə yaxın ucuzlaşaraq, 61,3 dollara enib.

Axar.az xəbər verir ki, iqtisadçı Vüqar Bayramov qiymət azalmalarının əsas səbəbinin ABŞ-da neft quyularının sayının artması və eləcə də Beynəlxalq Enerji Akademiyasının gələn il üçün neftə olan illik tələb proqnozunu gündəlik 190 min barrel azaltması olduğunu bildirib.

“Eyni zamanda, Liviya və Nigeriya oktyabrdan neft hasilatının əvvəlki səviyyəsini bərpa etməkdədir. İraq da neft nəqlini tam bərpa etməyə çalışır. Bununla yanaşı, Meksika da hasilatın artırılması üçün platformalarda yenidənqurma işlərini tamamlayıb. Neftin dünya bazar qiymətindəki son dəyişikliklər göstərir ki, yaxın illər üçün enerji bazarında mövcud şərtlər daxilində ciddi qiymət artımları gözləmək sadəlövhlük olardı. Digər tərəfdən, Çin şist neft hasilatına 90 milyard dollar sərmayə yönəltmək niyyətindədir. Bu isə qlobal bazarda yeni və daha aşağı qiymət tarazlığına gətirib çıxara bilər”.