Millət vəkili, siyasi elmlər doktoru Qənirə Paşayevanın Türkiyənin Kocaeli vilayətində qardaş ölkədə çapdan çıxmış kitablarının təqdimatı və imzalanması mərasimi keçirilib.

Kult.az xəbər verir ki, Kocaeli böyükşəhər bələdiyyəsinin təşkil etdiyi 10-cu Kocaeli Kitab Sərgisində baş tutan imza mərasimində çoxsaylı ziyalılar və gənclər iştirak ediblər.

Bu cür gözəl tədbirə görə təşkilatçılara təşəkkür edən millət vəkili Qənirə Paşayeva onlara Azərbaycandan, Qarabağdan, türk dünyasından, Kərkük, Axısxa, Krım, Bayırbucaq, Türkməndağı, Təbriz, Dərbənd, Borçalı, Kuzey Kıprısdan danışıb və Azərbaycan tarixini yaxşı öyrənməyə çağırıb.

Türk millətinin gənc nəsilləri üçün kitabın önəmindən də danışan Q.Paşayeva çoxlu sayda gənclərin imza mərasiminə qatılmasından məmun olduğunu deyib. Millət vəkili “Allahdan ən böyük arzum bir gün sizin kimi dəyərli insanlarla birlikdə belə tədbirləri Dağlıq Qarabağda, Şuşada bərabər keçirməkdir”, - deyib.

Millət vəkili gəncləri maraqlandıran suaları da cavablandırıb.