Məni təhqir edən insan lazımı cəzasını alacaq.

Axar.az xəbər verir ki, bu sözləri tanınmış parodiyaçı Ceyhun Məmmədov onu təhqir edənlər haqda rəsmi Feysbuk səhifəsində yazıb. O, həmin insanların qanun qarşısında cavab verəcəklərini bildirib:

"Yazıb sizə bildirmək istəyirəm ki, videomun altında yazılan təhqirləri özüm silmirəm. Lazımı orqanlar artıq bu işlə məşğuldur. Təhqir edən insan cəzasını alacaq. Əlbəttə ki, Azərbaycan Respublikasının qanunvericiliyinə uyğun olaraq! Axı bu adamlara kim icazə və ya kim haqq verib ki, məni şəxsi səhifəmdə təhqir eləsinlər?! Bu məsələni diqqətdə saxlayın. Nəticə haqqında sizə məlumat verəcəyəm".