Yuxarı

Əl-Cəzirədən Qarabağla bağlı: "Tayı-bərabəri olmayan..."

Ana səhifə Reportaj
12 Punto 14 Punto 16 Punto 18 Punto

Əl-Cəzirə telekanalının Azərbaycanla bağlı silsilə reportajlarının növbətisi Qarabağ atlarına həsr olunub. Reportajda dünyada tayı-bərabəri olmayan Qarabağ atları haqqında ətraflı məlumat verilir. Bildirilir ki, Günəş şüaları altında parıldayan qızılı-narıncı, açıq və tünd qonur rəngli bu atlar ekstremal şoularda xüsusilə seçilirlər. Onların əsas üstünlükləri dözümlülük və dağa çıxmaqda böyük məharətli olmalarıdır. Bu atlar, həmçinin öz həssaslıqları, sahiblərinə sədaqətli olmaları ilə fərqlənirlər.

AzərTac xəbər verir ki, Azərbaycan Respublikası Atçılıq Federasiyasının baş katibi Bəhruz Nəbiyev Əl-Cəzirə telekanalının müxbirinə müsahibəsində Qarabağ atlarının xüsusiyyətləri barədə danışır. O deyir ki, bu növ atlar başqa məşhur at cinsləri ilə müqayisədə ortaboylu olsalar da, keçilməz dağlıq ərazilərdə uzun müddət yol qət edə bildikləri üçün ən yaxşı atlardır.

Reportajda diqqətə çatdırılır ki, Azərbaycan hökuməti bu at cinsinin və onun genetik fondunun qorunması üçün dövlət proqramı həyata keçirir.

Çövkən oyunu üzrə məşqçi və hakim Namiq Orucov bildirir ki, Qarabağ atları Azərbaycanda keçirilən yarışlarda mühüm rol oynayır. Bu yarışların ən məşhurlarından biri çövkən oyunudur. O deyir ki, nəsildən-nəslə keçərək əcdadlarımızdan bizə gəlib çatan çövkən oyunu yalnız Qarabağ və Dilbaz atları ilə oynanılır.

Müəllif vurğulayır ki, Azərbaycanda çövkən oyunu ilə bağlı ildə bir neçə dəfə milli çempionatlar keçirilir. Bu, həm rəsmi səviyyədə, həm də xalq tərəfindən maraqla qarşılanır.

Reportajda, həmçinin Gülnaz adlı atüstü oyunlar üzrə idmançı ilə müsahibəyə yer verilir. İxtisasca neft mühəndisi olan Gülnaz Qarabağ atlarına sevgisi səbəbindən iş yerini tərk edərək özünü bu cinsin qorunması, xarakterik xüsusiyyətlərinin dünyada tanıdılması işinə həsr edib. O, deyir ki, indiyədək dünyanın bir neçə müxtəlif at cinsi ilə işləyib. Lakin Qarabağ atı qədər onu özünə çəkən və rəğbətini qazanan at olmayıb.

Tarix
2017.01.10 / 23:28
Müəllif
Axar.az
Şərhlər
Digər xəbərlər

Paşinyan Stoltenberqlə görüşdü

Bakı-Tiflis əməkdaşlığı yeni sahələri əhatə edəcək

İrəvandan anklavlarla bağlı açıqlama: Sərhəd boyu...

Güneylilər Cenevrədə aksiya keçirdi

Cənubi Qafqazda “bir dövlət” silinə bilər - Tarasov

Qərb İrəvanda buna imkan verməyəcək – Ekspert

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla