Əvvəlcə onu deyim ki, mən "Aeroflot"la yox, AZAL-la uçuş etmişəm. Bu xəbər kökündən yalandır.

Bu sözlər müğənni Nadir Qafarzadənin Axar.az-a göndərdiyi press-relizdəndir. Müğənni içkili olması və Rusiyanın "Aeroflot" şirkətinin əməkdaşı ilə insident yaşaması haqda yayılan xəbərlərlə bağlı açıqlama verib:

"Məlumatı dəqiqləşdirmək üçün bir jurnalist mənə zəng etdi, dedim ki, yalandır. Bu tip xəbərləri düşmənlərim yayır. Mən heç siqaret çəkmirəm, o ki qaldı içki içəm. Bəzi saytlar artıq bilmirlər, barəmdə nə yazsınlar ki, reytinq qazansınlar. Amma indidən xəbərdarlıq edirəm, barəmdə hər hansı bir əsassız yazı dərc edənlər qanun qarşısında cavab verməli olacaqlar".