Vaşinqton İŞİD və Nüsrə Cəbhəsi terror təşkilatlarından Suriyada Əsəd rejimini devirmək üçün istifadə etməyi planlaşdırırdı.

Axar.az xəbər verir ki, bunu jurnalistlərə açıqlamasında Rusiya XİN rəhbəri Sergey Lavrov söyləyib.

O, ABŞ-ın bu planı reallaşdırmaq istəməsi ilə bağlı kifayət qədər dəlilin olduğunu da bildirib.

Qeyd edək ki, Suriyada vətəndaş müharibəsi 2011-ci ildə başlayıb. Rusiya bu müharibədə Əsəd rejimini müdafiə edir. Ölkə prezidenti Bəşər Əsəd bütün çağırışlara baxmayaraq, hakimiyyətdən imtina etmir. Əsəd ordusu ilə bərabər Suriyada müxalifət, kürd qruplaşmaları, İŞİD və Nüsrə Cəbhəsi qüvvələri də var.