Ana səhifə Planet |
Vladimir Putin sayəsində Rusiya Yaxın Şərqdə aparıcı oyunçu statusu əldə edib.
Axar.az xəbər verir ki, bunu jurnalistlərə açıqlamasında amerikalı senator Con Makkeyn söyləyib.
O, ABŞ-ın hazırda yalnız Suriya böhranını həll etməklə bağlı danışıqlara dəvət olunmaqla kifayətləndiyini bildirib:
“Putin istəyini gizlətmir. O, bu istəklərini əlində pis kartlar olmasına baxmayaraq, çox ağıllı formada reallaşdırıb. Onun iqtisadiyyatı dünyada 15-ci yerdə qərarlaşıb, amma ölkəsi hazırda Yaxın Şərqdə aparıcı oyunçudur. Rusiya, İran və Türkiyənin ABŞ-ı Astanadakı Suriya danışıqlarına dəvət etməsi Vaşinqtonun bu məsələdə liderlik etmədiyini göstərir. ABŞ nəinki lider deyil, o hətta prosesin iştirakçısına da çevrilməyib. Bizi sadəcə buraya dəvət ediblər. Biz nə qədər aşağı düşmüşük...”
Qeyd edək ki, Makkeyn Rusiya və Putin əleyhinə ən sərt sözlərin müəllifi kimi tanınır.
Tarix
2017.01.18 / 12:14
|
Müəllif
İlkin Həsənov
|