Kaliforniyada milyonlarla dollar dəyərində olan qoz ləpəsi, badam və püstə oğurlanıb. Fermerlər və polislər çaşqınlıq içindədir, oğrular isə öz pullarını qazanır.

Axar.az xəbər verir ki, dedektivlər bu kütləvi oğurluğun arxasında erməni mafiyasının durduğunu düşünür.

Los-Anceles polisinin dedektivi Mark Zavala bu haqda danışarkən oğruların oğurlanmış şəxsiyyət vəsiqələrindən istifadə edərək prosesi mürəkkəbləşdirdiklərini deyib:

“Əslində bu oğurluğa görə cüzi bir cəza – bir neçə həftə və ya ay həbs cəzası düşür. Oğrular bunu bilir”.

Hüquq mühafizə orqanlarının əməkdaşları sözügedən oğurluğun Los-Ancelesdə fəaliyyət göstərən “Armenian Pover” kriminal qrupu tərəfindən təşkil olunduğunu iddia edir.

2010-cu ildə sözügedən qruplaşma 160 milyon dəyərində oğurluq edib, qrupun 100-dən çox üzvü mühakimə olunub, müxtəlif cəzalar alıb.

Federal Prokurorluğun sabiq müavini Martin Estradanın sözlərinə görə, “Armenian Pover” Meksika kartellərinə çox oxşayır.