Moskva Kanadanın qəbul etdiyi "Maqnitski qanunu"na cavab verəcək.

Axar.az xəbər verir ki, bunu Rusiyanın Xarici İşlər nazirinin müavini Sergey Ryabkov söyləyib.

“Təbii ki, cavab olacaq. Həm də qısa müddətdə. Kanadalılar başa düşməlidir ki, biz buna oxşar hadisələri nəinki qınayırıq, həm də sərt şəkildə reaksiya veririk. Rusiyaya qarşı təxribatlarda özlərinə bir ad yaratmağa çalışanlar və bu quduz rusfobiya ilə "fərqlənənlər” üçün biz müəyyən nəticələri olacaq müvafiq məhdudiyyət tətbiq edəcəyik”, - deyə Ryabkov bildirib.

Qeyd edək ki, Kanada ötən həftə Rusiyaya qarşı yeni Maqnitski qanunu qəbul edib. Maqnitski aktı ABŞ-da 2012-ci ilin dekabrından tətbiq edilir. Bu akt insan haqlarını pozan rusiyalılara qarşı sanksiyaların tətbiq edilməsini özündə ehtiva edir. Rusiya isə bu aktın təcili ləğv olunmasını istəyir.