Trabzonda Türkiyə ordusunun 2 əsgərinin şəhid edildiyi hücumu təşkil edən dəstənin rəhbərlərindən olan “Aram” kod adlı Mustafa Tolucanın istintaqı davam edib.

Axar.az xəbər verir ki, Mustafa Tolucanın ifadəsi əsasında bir çox PKK sığınacaqları türk ordusu tərəfindən aşkar edilib.

“Biz 3 aydır ki, nəfəs belə ala bilmirdik. Baxdığımız, hərəkət etdiyimiz hər yerdə zirehli maşınlar və əsgərlər var idi. Ərazidə sıxışmışdıq və qida tapmaqda çətinlik çəkirdik. Mən də yemək tapmaq üçün kəndə endim. Dəstədəkilər mənə “Get, ancaq tutulsan, yerimizi bildirmə”, - dedilər. Beləliklə mən də kəndə endim”, - terrorçu ifadəsində deyib.