“Yeni Şəfəq” qəzetinin baş direktoru İbrahim Qaragül son günlərin siyasi müzakirə mövzusu olan İsrailin paytaxtının Qüdsə köçürülmə planları ilə bağlı diqqətçəkən açıqlama verib.

Axar.az xəbər verir ki, Qaragül Birləşmiş Ərəb Əmirlikləri (BƏƏ), Səudiyyə Ərəbistanı və Misirin Qüds məsələsində ABŞ və İsraillə razılığa gəldiyini iddia edib:

“Belə bir razılıq olmasaydı, ABŞ və İsrail bu cür rahat hərəkət edə bilməzdi. İslam dünyası tarixi sınaqla qarşı-qarşıyadır. Qüds alındıqdan sonra sıra Məkkə və Mədinəyə gələcək”.

Qeyd edək ki, Trampın bu gün Qüdsü İsrailin paytaxtı kimi tanıyacağı və ABŞ səfirliyini bura köçürəcəyi gözlənilir. Trampın qərarı artıq bir sıra müsəlman ölkələrində narazılıq yaradıb. ABŞ Konqresi səfirliyin Qüdsə köçürülməsi haqqında qərarı 1985-ci ildə versə də, indiyə qədər bu qərarın icrasına ölkə prezidentləri tərəfindən veto qoyulub