ABŞ-ın sanksiyaları məni təəccübləndirdi.

Axar.az xəbər verir ki, bunu ABŞ-ın sanksiyalar siyahısına düşən məşhur özbək qanuni oğru Alimcan Toxtaxunov söyləyib.

“Hesab edirəm ki, onların özləri quldurdurlar. Xahiş edirəm, izah edin, mənim Amerikanın Maliyyə Nazirliyinə nə aidiyyətim var? Məgər mən ABŞ-da bizneslə məşğul oluram və ya tez-tez ora gedirəm? Onsuz da axtarışdayam və ölkədən heç hara gedə bilmirəm”, – deyə o bildirib.

Qeyd edək ki, bundan öncə ABŞ Maliyyə Nazirliyi rus mafiyasının bir sıra qanuni oğrularına qarşı sanksiyalar tətbiq edib. Qanuni oğrular qara siyahıya transmilli cinayətkar fəaliyyətlərinə görə düşüblər. Yeni sanksiyalara əsasən, bu şəxslərin ABŞ-dakı bütün aktivləri dondurulub və Amerika vətəndaşları ilə biznesi qadağan edilib.

Sanksiyalar siyahısına düşənlərdən biri də Özbəkistandan olan məşhur iş adamı Qafur Rəhimovdur.

Qafur Rəhimo Özbəkistandakı “Qardaş dairəsi” adlanan cinayət qruplaşmasının əsas liderlərindən biri sayılır.