Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
23 Sentyabr 2018


Qüds toqquşması: 55 ölü, 2700 yaralı - Matəm elan edildi

Ana səhifə Planet
12 Punto 14 Punto 16 Punto 18 Punto

2018.05.14. 09:12

ABŞ Prezidenti Donald Trampın Təl-Əvivdəki səfirliyin Qüdsə köçürülməsi qərarı bu gün icra ediləcək.

Axar.az xəbər verir ki, Qüdsdə ABŞ səfirliyinin yerləşdiyi küçədə böyük bir sevinc hissi hakim olduğu halda, sərhəddə etiraz sədaları getdikcə gərgin xarakter almaqdadır.

Səhər saatlarında iş yerlərini bağlayan bir çox fələstinli açılışa etiraz etmək üçün sərhədə yönəlib. İsrail ordusu isə səhər saatlarından etibarən sərhəddə gərginlik yaşanmasına səbəb ola biləcək addımlardan qaçmaq üçün havadan xəbərdarlıq vərəqələri paylayıb.

Qüdsdəki ABŞ səfirliyinin açılış mərasimi ilə əlaqədar ABŞ Prezidenti Donald Trampın qızı İvanka Tramp və həyat yoldaşı Cared Kuşner artıq İsrailə səfər edib. Donald Trampın özünün də açılışa telekonfrans vasitəsilə qatılması gözlənilir. AB qərara etiraz etdiyi üçün açılış mərasimində bir çox Avropa ölkəsi təmsil olunmayacaq. Lakin mərasimdə Macarıstan, Rumıniya və Çexiya təmsilçilərinin iştirakı gözlənilir.

Trampın Qüds açıqlamasından sonra səfirliklərini Qüdsə köçürmə qərarı qəbul edən Qvatemala və Paraqvay rəhbərlərinin də təbdirdə iştirak edəcəyi bildirilir.

ABŞ səfirliyinin köçürüləcəyi küçədə ABŞ və İsrail bayraqları ilə yanaşı, “Tramp İsraili böyük etdi” yazılmış lövhələr quraşdırılıb.

Qeyd edək ki, ötən gündən İsrail hökuməti minə yaxın xüsusi təyinatlı döyüşçünü Qəzza sərhəd zolağına və İordan çayının qərb sahilinə yerləşdirib.

Ordunun yaydığı məlumata görə, təhlükəsizliyi 3 quru qoşunları komandanlığı təmin edəcək. Bildirilir ki, HƏMAS-ın 14 və 15 may tarixlərində müxtəlif təxribatlarına qarşı ordu hazır vəziyyətə gətirilib.

***

Ərəb liqası ABŞ-ın qeyri-qanuni Qüds qərarına görə çərşənbə günü təşkilatın təcili şəkildə toplanacağını açıqlayıb.

Qəzza zolağının səhiyyə təşkilatı ərazidə İsrail əsgərlərinin atəş açması nəticəsində 2 fələstinlinin yaralandığını bildirib. Qəzza zolağı bölgəsində minlərlə insanın toplandığı qeyd olunur. Artıq etiraz aksiyaları genişlənməkdədir.

Qüdsdəki rəsmi açılış mərasimi öncəsində Hizbullah sərt mövqe nümayiş etdirib. ABŞ-ın səfirliyi köçürmək qərarının dəyərsiz olduğu qeyd olunub.

Bu arada, Qüdsdəki açılış mərasiminə 32 ölkənin - Əlcəzair, Anqola, Avstriya, Kamerun, Konqo, Demokratik Konqo Respublikası, Fil Dişi sahili, Çexiya, Dominikan Respublikası, Salvador, Efiopiya, Gürcüstan, Qvatemala, Honduras, Macarıstan, Keniya, Makedoniya, Myanma, Nigeriya, Panama, Peru, Filippin, Rumıniya, Ruanda, Serbiya, Cənubi Sudan, Tailand, Ukrayna, Vyetnam, Paraqvay, Tanzaniya və Zambiya - nümayəndələrinin qatılacağı açıqlanıb.

***

Fələstinlilərlə İsrail ordusu arasında toqquşma baş verib. Anadolu Agentliyinin məlumatına görə, İsrail əsgərlərinin açdığı atəş nəticəsində 1 nəfər həlak olub, yaralıların sayı 93-ə çatıb.

***

Qəzzada etirazçılarla hərbçilər arasında baş verən toqquşmalar nəticəsində ölən fələstinlilərin sayı 7-yə çatıb. 165 nəfərin isə yaralandığı bildirilir.

***

Qəzzada toqquşmalar nəticəsində ölü və yaralıların sayı durmadan artır.

Son məlumatlara görə, İsrail hərbçilərinin açdığı atəş nəticəsində 16 nəfər həlak olub. Yaralıların sayı isə 500-dən çoxdur.

***

İsrail hərbçilərinin açdığı atəş nəticəsində ölənlərin sayı 25-ə çatıb.

***

Qəzzadakı toqquşmalar nəticəsində ölənlərin sayı 37-yə çatıb. 1700-dən çox yaralının olduğu bildirilir.

***

Ordunun erirazçıları açdığı atəş nəticəsində ölənlərin sayı 41-ə çatıb.

***

Qəzza zolağında İsrail hərbçiləri ilə toqquşmalarda ölən fələstinlilərin sayı 52 nəfərə çatıb.

Yaralananların sayının isə 2400 nəfərdən çox olduğu bildirilir.

***

Fələstin Prezidenti Mahmud Abbas 3 günlük matəm və ümummilli tətilin başlanmasını elan edib.

***

Yerli tibb xidmətinin rəsmi nümayəndəsi Əşrəf əl-Kedra RİA-ya bildirib ki, baş verən toqquşmalarda ölənlərin sayı 55-ə çatıb, 2700-dən çox insan yaralanıb.

"Ölənlərin 7-si uşaq, biri qadındır. Yaralılardan isə 79-u qadındır. Ümumilikdə, 30 martdan bu vaxta qədər toqquşmalarda 104 fələstinli ölüb, 12 min nəfər yaralanıb", - Kedra deyib.

Tarix
2018.05.15 / 02:23
Müəllif
Kamran, Orxan
Şərhlər
Загрузка...
Digər xəbərlər

Öldürülən prezidentin tarixi anlaşması 40 il sonra üzə çıxdı

Əgər bu baş verərsə, Fələstini tanıyarıq - Koveney

ABŞ-lı keşiş 26 ildən sonra yaxalandı

Bilal Ərdoğan: Qərb mədəniyyətini silməyə...

Bu ölkəni epidemiya cənginə aldı: ölənlər var

İsrail Qəzzanı bombaladı: Gənclər təhlükədə

İranda dəhşətli terakt: ölü sayı artdı - Video/23+

Bu dəfə uşaqları hədəf aldılar: 7 ölü, 5 yaralı

"Ərdoğan və Putin ABŞ-ı geri çəkilməyə vadar edir"

Kim Çenin tarixi səfəri nə vaxt reallaşır?

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla