ABŞ Prezidenti Donald Tramp NATO-nun Brüssel sammitindən sonra alyansa üzv ölkələrin liderlərindən çoxlu zənglər aldığını bəyan edib.

Axar.az xəbər verir ki, bu barədə Tramp Tvitter səhifəsində paylaşım edib.

“NATO-ya üzv ölkələrin liderlərindən çoxlu zənglər aldım. Ölkələri bir yerə yığmağıma və onları maliyyə öhdəlikləri məsələlərində fokuslanmağa məcbur etməyimə görə təşəkkür etdilər. Bizim əla sammitimiz oldu”, – deyə o bildirib.

Qeyd edək ki, Brüssel sammitindən öncə Tramp NATO ölkələrindən öz hərbi xərclərini ümumdaxili məhsullarının iki faizinə çatdırmasını tələb edib. Sammitdə isə o, bu həddin 4% olmasını istəyib. Trampın bu təklifi Fransa və Almaniyanın etirazına səbəb olub.