Yaxın Şərqdə sülhün təmin edilməsinin yeganə yolu 1967-ci il sərhədləri çərçivəsində paytaxtı Şərqi Qüds olan Fələstin dövlətinin qurulmasıdır.

Axar.az xəbər verir ki, bunu Türkiyə Prezidenti Rəcəb Tayyib Ərdoğan Tvitter hesabında yazıb.

Türk lider Fələstin torpaqlarının geri qaytarılması üçün lazımi addımların atılmasının vacibliyini vurğulayıb:

“1948-ci ildən bəri fələstinli qardaşlarımıza qarşı ayrıseçkilik siyasəti təəssüflər olsun ki, artmaqda davam edir. Biz istəyirik ki, fələstinlilərə aid torpaqların geri verilməsi üçün dərhal müvafiq tədbirlər görülsün. Hər zaman Fələstinin yanında olacağıq”.