Ermənistan iqtisadiyyatının indiki vəziyyəti yeni baş nazirin təyin olunduğu gündən daha pisdir.

Axar.az xəbər verir ki, bunu “1in.am” saytına açıqlamasında erməni iqtisadçı Aşot Yeqiazaryan söyləyib.

“Bizim o zaman yeni baş nazir Karen Karapetyandan gözləntilərimiz çox idi. 100 gün keçib və situasiya daha da pisdir. Nailiyyətlərdən isə söhbət belə gedə bilməz. Bizim Rusiyaya bağlı olduğumuz müddət ərzində heç bir inkişaf olmayacaq. Biz özümüz-özümüzü alternativ inkişafdan məhrum etdik. İndi isə heç bir xarici iqtisadi siyasət yürütmək gücündə deyilik. Biz seçim imkanından məhrumuq, Avropa Birliyindən imtina etmişik, İrandan imtina edirik”, - iqtisadçı bildirib.