Ana səhifə Toplum |
Həyata keçiriləcək tədbirlər nəticəsində tikinti materiallarının istehsalı və inşaat sektorunun inkişafına ciddi təkan veriləcək.
Axar.az xəbər verir ki, bu fikirləri Prezident İlham Əliyev yanvarın 30-da regionların 2014-2018-ci illərdə sosial-iqtisadi inkişafı Dövlət Proqramının icrasının üçüncü ilinin yekunlarına həsr olunan konfransda söyləyib.
Prezident bildirib ki, Mənzil İnşaatı Dövlət Agentliyinin xətti ilə artıq birinci şəhərcik inşa edilməyə başlayıb və 30-a yaxın binanın tikilməsi nəzərdə tutulur:
“Növbəti 1-2 il ərzində Ağ Şəhərdə 60 bina tikiləcək. Bakı şəhərində köçürülmə yolu ilə icra ediləcək layihələrin sayı da 60-a yaxındır və onlarla fərdi qaydada yeni binalar tikilir”.
Prezident Azərxalça Açıq Səhmdar Cəmiyyətinin filiallarının sayının bu il 10-a çatdırılacağını deyib.
Turizmlə bağlı görülmüş işlərdən danışan İlham Əliyev Azərbaycanın beynəlxalq turizm üçün çox cəlbedici ölkəyə çevrildiyini söyləyib:
“Azərbaycanda və Bakı şəhərində dünyanın aparıcı otellər şəbəkələrinin mehmanxanaları var.
Azərbaycanın zəngin mədəni irsi, gözəl mətbəxi, iqlimi, müasir turizm infrastrukturu vardır. Ölkədə hökm sürən sabitlik, təhlükəsizlik - bütün bunlar turistləri cəlb edir.
Yaxın zamanlarda ixrac potensialının təbliği üçün bir neçə ölkədə Azərbaycan ticarət evləri açılacaq”.
Tarix
2017.01.31 / 17:02
|
Müəllif
Axar.az
|