Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
25 Aprel 2018


Nazirimiz Almaniyada bu təhlükədən danışdı

Ana səhifə Toplum
12 Punto 14 Punto 16 Punto 18 Punto

Ekologiya və Təbii Sərvətlər naziri Hüseyn Bağırov Almaniyanın Bonn şəhərində keçirilən BMT-nin İqlim Dəyişmələri üzrə Çərçivə Konvensiyasının 23-cü Tərəflər Konfransının Yüksək Səviyyəli Seqmentinin Plenar iclasında çıxış edib.

Nazirliyin mətbuat xidmətindən Axar.az-a verilən məlumata görə, nazir çıxışında qlobal iqlim dəyişmələrinin bütün bəşəriyyət üçün böyük təhlükə olduğunu və bu təhlükənin qarşısının alınması üçün Azərbaycanın iki il əvvəl qəbul etdiyi Paris razılaşması üzrə 2030-cu ilə qədər istilik effekti yaradan tullantıların 35 faiz azaldılmasına dair iddialı öhdəliyi hədəf kimi götürdüyünü bəyan edib.

H.Bağırov bunun inkişaf etməkdə olan və Konvensiyanın Əlavə 1 qrupuna daxil olmayan ölkəmiz üçün iddialı bir öhdəlik olduğunu və qlobal iqlim sisteminin qorunmasına töhfə verəcəyini vurğulayıb.

O bildirib ki, Azərbaycanda qlobal iqlim dəyişmələrinə qarşı götürülən öhdəliklərin yerinə yetirilməsi istiqamətində konkret tədbirlər həyata keçirilib və bundan sonra da tullantıların azaldılması üçün konkret layihələrin reallaşdırılması davam edəcək.

Hazırda ölkədə bərpa olunan enerjidən istifadənin genişləndiyi, karbonun udulması üzrə arid və semi-arid ərazilərdə yeni meşə massivlərinin salındığı, elektrik stansiyalarında mazutdan istifadənin dayandırılması, yeni aqromeşə plantasiyalarının salınması və s. nəticəsində 1990-cı ildən indiyə qədər təxminən 650 milyon ton karbon tullantısının azaldıldığı vurğulanıb və bütün bu tədbirlərin Azərbaycan dövlətinin öz maliyyə vəsaiti hesabına həyata keçirildiyi xüsusi olaraq qeyd edilib.

Eyni zamanda H.Bağırov çıxışında Ermənistan tərəfindən işğal olunmuş ərazilərdə təbii sərvətlərin vəhşicəsinə talan edildiyini, meşələrin amansızcasına yandırıldığını bildirib və bu cür amillərin götürülən öhdəliklərin yerinə yetirilməsinə maneə olduğunu, Birləşmiş Millətlər Təşkilatının bu sahədə təsir gücünün daha da artırılmasının vacibliyini diqqətə çatdırıb.

H.Bağırov çıxışının sonunda iqlim dəyişmələri tədbirlərinin yerinə yetirilməsi üçün beynəlxalq hüququn fundamental prinsiplərindən biri olan dövlətlərin ərazi bütövlüyünə hörmət edilməsi prinsipinin həlledici olduğunu vurğulayıb.

Tarix
2017.11.16 / 19:23
Müəllif
Nigar
Şərhlər
Загрузка...
Digər xəbərlər

Yeni təhsil naziri ciddi islahatlara başlayır

Yeni nazir ilk kadr dəyişikliyi etdi

Sabahın hava proqnozu açıqlandı

Lotu Qulinin adamına hökm oxundu

Ramil Usubov yeni rəis təyin etdi

Qanunsuz mitinq edənlərə yeni cəzalar gəlir

Metroda neçə qatar var: yeni vaqonlar neçəyədir? - Paşayev

Əliyevin mühafizəçisini yaralayanlar məhkəmədə

Cümhuriyyət medalı bu şəxslərə veriləcək

Bakıda bu məktəblərdə dərslər dayandı

KULT
<>
Xəbər xətti
 
Axar.az'da reklam Bağla
Reklam
Bize yazin Bağla