Ana səhifə Toplum |
Bu gün millət vəkili Qənirə Paşayeva Milli Onkologiya Mərkəzində xərçəng xəstəliyindən əziyyət çəkən tanınmış jurnalist Ülviyyə Həsənqızını ziyarət edib və onun həkimləri ilə danışıb.
Axar.az xəbər verir ki, bu barədə millət vəkili özü açıqlama yayıb. O bildirib ki, həkimlər Ülviyyənin sağalması üçün əllərindən gələni edirlər:
“İnşallah, Ülviyyə bu çətin günləri arxada qoyacaq, xəstəliklə ciddi mübarizə aparacaq və qalib gələcək. Bu gün ona da söylədim, indi ona daxili inam, psixoloji güc çox vacibdir və onda bu gücü hiss etdim, daha da artacağına əminəm. Orada həkimlər və tibb işçiləri ilə də söhbətləşdik. Həkimlər Ülviyyəyə böyük diqqət və sevgi ilə yanaşırlar”.
Q.Paşayeva qeyd edib ki, Milli Onkologiya Mərkəzinin rəhbərliyi Ülviyyənin əməliyyat və müalicəsini öz üzərlərinə götürüblər:
“Ülviyyə anasının tək övladıdır. Kirayədə yaşayır. İnanırıq ki, dostları, həmkarları bu gün olduğu kimi, onu yalnız qoymayacaq. Ülviyyəyə dəstək olan bütün jurnalistlər və sadə insanlara təşəkkürlər!”.
Tarix
2017.12.07 / 18:14
|
Müəllif
Firuzə Vahidqızı
|