Binə Ticarət Mərkəzində alıcı qıtlığı yaşanır. Mağazalar uzun müddətdir boşdur.

Axar.az xəbər verir ki, bir vaxtlar əhalinin xüsusilə geyim üçün ən çox üstünlük verdiyi Binə Ticarət Mərkəzinə gedənlərin sayı kəskin azalıb. Əvvəllər şəhərin mərkəzi ilə müqayisədə bu ticarət mərkəzində satılan geyimlərin qiymətində kəskin fərq olurdu. Məhz bu səbəbdən də geyim üçün ən ideal yer Binə Ticarət Mərkəzi hesab edilirdi.

Lakin son bir neçə aydır ki, sözügedən Ticarət Mərkəzində durğunluq hökm sürür. Satıcılar bildirib ki, alıcı yoxdur, əvvəlki kimi müştəri sıxlığı yaşanmır. Hətta həftə sonları alıcıların axınına məruz qalan bu ticarət mərkəzində indi bir çox mağaza bağlanıb.

Səbəb isə Binədəki geyim mağazalarının qiymətləri yüksətməsi, geyimləri şəhərin mərkəzi mağazaları ilə təxminən eyni qiymətə təqdim etməsdir. Bu da olduqca uzaqda yerləşən Binə Ticarət Mərkzini alıcısız qoyub. Əvvəl ucuz geyim üçün bu mərkəzə üstünlük verən alıcı həmin qiymətə daha yaxından, şəhərin mərkəzindən geyim alır.