Ana səhifə Toplum |
Ötən gün Ermənistan Silahlı Qüvvələrinin bölmələri tərəfindən atəşkəs rejiminin kobud şəkildə pozulması nəticəsində düşmənlə atışmada şəhid olan Azərbaycan Ordusunun əsgəri, 23 yaşlı İbrahim Möhsüm oğlu Mənəfovun Feysbukda yazdığı status üzə çıxıb.
Axar.az xəbər verir ki, hələ əsgər getməzdən öncə yazdığı statusunda o, vətən uğrunda döyüşməyin hər bir azərbaycanlının borcu olduğunu bildirib:
“Müharibə qaçılmazdır və hər bir azərbaycanlının borcudur. Bu borcu özümə Qarabağı eşidəndən bilmişəm və bu borcu qaytarmalıyam. Allah bizi şəhidliyə layiq bilsin”.
Qeyd edək ki, ötən gün Ermənistan silahlı qüvvələrinin bölmələri tərəfindən atəşkəs rejiminin kobud surətdə pozulması nəticəsində düşmənlə atışmada Azərbaycan Ordusunun hərbi qulluqçusu əsgər Mənəfov İbrahim Möhsüm oğlu şəhid olub. Mənəfov İbrahim 1995-ci ildə Neftçala rayonunun Bankə qəsəbəsində doğulub. O, Milli Aviasiya Akademiyasının məzunu idi.
Tarix
2018.01.20 / 13:54
|
Müəllif
Firuzə Vahidqızı
|