Samux rayonunda mağaza yanıb.

FHN-in mətbuat xidmətindən Axar.az-a verilən məlumata əsasən, rayon mərkəzindən 15 km aralı olan Əhmədbəyli kəndində vətəndaşa məxsus ümumi sahəsi 90 kv.m olan mağazanın yanar konstruksiyaları, mağazanın içərisində olan 500 kq un və 400 kq yem yanıb.

Yanğın zamanı yanğınsöndürənlər tərəfindən mağazanın içərisində olan hər biri 20 litr olan 14 ədəd boş yanacaq çəlləkləri və həcmi 200 litr olan yağ çəlləyi təhlükəsiz əraziyə çıxarılıb. Mağazanın qalan hissəsi və bitişik ümumi sahəsi 36 kv.m olan tövlə yanğından mühafizə olunub.

Yanğın saat 12:12-də yanğınsöndürənlər tərəfindən söndürülüb.