Paytaxtın ən qaynar nöqtələrindən biri olan 20 Yanvar dairəsində sərnişinlər dayanacağın yoxluğundan əziyyət çəkir. Xüsusi ilə də bu qızmar yay günlərində sərnişinlər kölgələnmək üçün müxtəlif vasitələrdən istifadə edirlər. Maraqlısı budur ki, bu ərazidən kifayət qədər çox marşurut xətti keçir.

Xezerxeber.com xəbər verir ki, yüzlərlə sərnişin dayancaq olmayan yerdə avtobus gözləyir. Hərə özünü bir üsulla günəş şüalarından qorumağa çalışır. Kimisi qəzetlə kimisi yerpiklə. Bir çoxu isə yaxınlıqdakı köşkün kölgəsinə sığınmağa çalışır. Bura 20 Yanvar dairəsinin yaxınlığıdır. Ərazidən isə 20,67,79,91,199 və 205 saylı marşurt avtobusları keçir.

Dayancaq götürülərək onun yerinə avtobusların dayanmasını bildirən nişan qoyulub. 20 yanvar dairəsində problem tək bununla yekunlaşmır. Nəqliyyat Nazirliyi istiqamətindən 20 Yanvar dairə istiqamətinə doğru 37 saylı marşurt avtobusununda dayanacağı yoxdur. Burada da sərnişinlər kölgəlik axtarmaq məcburiyyətində qalırlar.

Problemlə bağlı Bakı Nəqliyyat Agnetliyi ilə əlaqə saxladıq.Qurumdan "XəzərXəbər"ə bildirildi ki, adıçəkilən ərazidə dayanacağın qoyulması üçün yer uyğun deyil. Ancaq buna baxmayaraq problemin aradan qaldırılması üçün aidiyyəti qurumlarla danışıqlar aparılacaq.Nəqliyyat Nazirliyində 20 Yanvar dairəsi istiqamətinə olan ərazidə isə dayancağın qoyulması nəzərdə tutulmur.