İnzibati Xətalar Məcəlləsinə əsasən, yaşayış məntəqələrindən kənarda sağ zolaq boş olduğu halda sol zolaqla hərəkət edən sürücüləri 40 manat cərimə gözləyir. Həm də yol boyu bu pozuntuya görə sürücülər bir yox, bir neçə dəfə cərimələnə bilər. Əksər sürücülər isə bu qaydadan xəbərsizdir.

Axar.az xezerxeber.com-a istinadən bildirir ki, rayonlararası yollarda sağ zolaq boş olduğu halda avtomobili sol zolaqla idarə etmək qadağan olsa da, əksər sürücülər bundan xəbərsizdir. İnzibati Xətalar Məcəlləsinə görə isə bu pozuntunun cəriməsi 40 manatdır.

Yol hərəkəti üzrə ekspert Ərşad Hüseynov bildirir ki, üstülik sürücülər uzun yol getdikləri zaman bu xətanı mütəmadi olaraq törədirsə, hər dəfə müşahidə kamerlarının yanından keçərkən onun haqqında cərimə pratakolu tərtib edilə bilər.

Amma magistral yolun sağ hərəkət zolağında hərəkət mümkün olmadığı və yaxud çətin olduğu vaxtlarda sürücülərə sol zolaqda hərəkət etməyə icazə verilir. Belə hal isə daha çox Bakı-Quba yolunda müşahidə edilir. Bu yolun sağ zolağı dağıldığından, sürücülər sol zolaqda getməyə məcbur olurlar.