Ana səhifə Avto |
Yeni smartfon "Qalaksi Not 7" telefonlarının yanmasına görə, istehsalının dayandırılması "Samsunq" şirkətinə baha başa gəlib.
Axar.az xəbər verir ki, Koreyanın məhsulu olan "Samsunq" şirkəti gəlirlərini növbəti 2 rübdə 3 milyard dollara qədər azaldacaq.
Şirkətin yaydığı son hesabata görə, bu ilin üçüncü rübündə şirkətə dəyən zərər iki milyard dollar olub.
Şirkət "Qalaksi Not 7" smartfonlarının batareya yüklənməsindən sonra alışdığı üçün geri çağırıb və onları yenisi ilə əvəz etdiyi zaman da eyni hal yaşandığından telefonların istehsalını dayandırıb.
Bu ərəfədə "Samsunq"un aksiyaları təqribən 8 faiz aşağı düşüb.
Qeyd edək ki, avqustun 19-da təqdim edilən "Galaxy Note 7" smartfonları "Samsunq"un sonuncu tablet modelidir və "Əpl"in yeni model Ayfon-7 ilə rəqabət aparmaq üçün nəzərdə tutulmuşdu. Lakin sentyabr ayında batareya yüklənməsinin ardınca telefonun alışması hallarının qeydə alınması səbəbindən 2,5 milyon "Not 7" cihazları geri çağırılmışdı.
Tarix
2016.10.15 / 01:39
|
Müəllif
Aytac Qədirova
|