Türkiyənin Müdafiə Nazirliyi "Barış Qartalı" proyekti çərçivəsində istehsalı sifariş edilən təyyarənin təslim prosesinin gecikməsindən dolayı "Boinq" şirkətini müqavilə əsasında təxminən 183 milyon dollar məbləğ civarında cərimələyib.

"Axar.az" xəbər verir ki, Müdafiə Sənayesi Nazirliyinin hava nəqliyyatı vasitələri üzrə başçısı və proyektin rəhbəri Camal Evçi "Boinq" ilə imzalanan müqavilənin qarşılığının təxminən 1 milyard 385 milyon dollar olduğunu bildirib:

"6 illik gecikmə üzündən faizi ilə birgə 183 milyon dollar cərimə tətbiq etdik".

Bundan əlavə Evçi layihə daxilində "Boinq" şirkətinə avans olaraq 637 milyon dollar ödəndiyini söyləyib.