Almaniyanın imzaladığı kapitulyasiya aktı 8 may 1945-ci il gecə saat 23:01-də qüvvəyə mindi. Həmin zaman saat fərqinə görə Moskvada 9 may 01:01 idi. Yəni Avropa ölkələrinin mayın 8-də, Rusiyanın mayın 9-da bayramı qeyd etmə səbəbi budur.

Axar.az xəbər verir ki, bu sözləri REAL Partiyasının sədri Natiq Cəfərli 9 May – Qələbə gününün Avropada və Rusiyada qeyd edilmə fərqi ilə bağlı bildirib.

"Sənədin imzalanması zamanı Almaniya tərəfdən akta imza atanlardan biri general Keytel zalda fransız ordusu generallarını görəndə, onların da sənəddə imzasının olacağını bilib və “Biz bunlara da uduzmuşuq?” deyə gülümsəyib”, - o vurğulayıb.

N.Cəfərli qeyd edib ki, Stalinin israrı ilə Fransa o masada yer alıb:

“Çünki SSRİ “anqlo-sakslarla” (ABŞ və Britaniya) "ikiyə-bir" masada olmaq istəmirdi. Fransanı masaya otuzdurmaqla öz aləmlərində balans yaradırdı”.