Bir çox insan hesab edir ki, milyarderlər öz statuslarını başqalarına göstərmək üçün lüks avtomobil sürməyə üstünlük verirlər. Amma istisnalar var.

Axar.az lent.az-a istinadən xəbər verir ki, "Top Speed" jurnalı "Maykrosoft"un həmtəsisçisi Bill Qeytsin sevimli avtomobili haqqında məlumat yayıb. Milyarderin seçimi çox gözlənilməz olub.

Qeyd edilib ki, Meyers qardaşlarının podkasti zamanı Qeyts sevimlisi olan kompakt elektrik avtomobilinin olduğunu paylaşıb. Bu, qırmızı rəngli "Fiat 500e RED Edition"dır.

Milyarder bildirib ki, avtomobil onların birgə xeyriyyə işləri nəticəsində irlandiyalı musiqiçi Bono tərəfindən hədiyyə edilib. Onlar qlobal sağlamlıq proqramları üzərində işləyən təşkilatlara yardım göstərirlər.

Qeyts əlavə edib ki, onun daha dəbdəbəli elektrik avtomobili də var – “Porşe Taycan”. Bununla belə, ona ən müsbət emosiyalar verən "Fiat 500e"dir.

"İnsanların yanından keçəndə onlar məni belə kiçik avtomobildə görəndə təəccüblənirlər", - milyarder deyib.

Nəşr xatırladıb ki, “Fiat 500e” kompakt elektrik hetçbekdir. Bu model Avropa ölkələrində ən populyardır.

Bundan əlavə, “Fiat 500e” xoş idarəetməyə malikdir və onun kiçik batareyası kifayət qədər tez doldurulur.