Avtomobillərin qiymətində ucuzlaşma gözlənilir.

Axar.az xəbər verir ki, uzun müddətdir avtomobil satışında yaranmış durğunluq şirkətləri qiymətlər haqqında düşünməyə vadar edib.

Bu məqsədlə artıq bir sıra avtomobil mərkəzləri yeni endirim kampaniyalarına başlamağa hazırlaşır.

Bundan əlavə, şirkətlər müxtəlif hədiyyə və güzəşt kompaniyaları ilə avtomobil bazarlarında canlanma yaratmağa çalışırlar. Bu, əsasən, əlamətdar günlər və bayramlar ərəfəsində olur.

Bir sıra şirkətlər isə servis endirimləri ilə diqqət çəkmək niyyətindədir. Çünki avtomobil alanlar onun sonrakı xərcləri ilə də ətraflı maraqlanırlar.

Ekspertlər isə avtomobil bazarındakı qiymət durğunluğunun hələ bu ilin sonuna qədər davam edəcəyini proqnozlaşdırır.

Mövzu ilə bağlı videomaterialı təqdim edirik: