"Biz də bütün gücümüzlə bu turnirin gözəl təşkil olunmasına çalışmalıyıq".


Bu sözləri Bakı-2015 İlk Avropa Oyunları ilə bağlı danışan xalq artisti Ramiz Novruz Axar.az-a bildirib:

"Belə bir turnirin ölkəmizdə keçirilməsi çox vacibdir. Bu, qlobal bir hadisədir. İlk növbədə, ölkəmiz tanınır. İndi xarici kanallarda da Azərbaycan haqda verilişlər, sənədli filmlər yayımlanır. Əcnəbi vətəndaşlar gəlib görəcəklər ki, Azərbaycan necə inkişaf etmiş, Avropa ilə Asiyanın qovşağında yerləşən tolerant, müasir ölkədir. Onlar bizim tariximizdən, mədəniyyətimizdən xəbərsizdirlər. Bizim özümüzdən də çox şey asılıdır. Vətəndaş kimi borcumuzu yerinə yetirməliyik. Vətənpərvərlik təkcə silah götürüb vuruşmaqda deyil. Bu gün yolu düz keçmək də, maşını düz sürmək də vətənpərvərlikdir".

Xatırladaq ki, 12-28 iyun tarixində ölkəmizdə keçiriləcək Birinci Avropa Oyunlarına 33 gün qalıb.