"Mən bir vətəndaş kimi buna çox sevinirəm".

Bu sözləri Bakı-2015 İlk Avropa Oyunları ilə bağlı danışan xalq artisti Hacı İsmayılov Axar.az-a bildirib:

"Avropa Oyunlarının Azərbaycanda keçirilməsi həm çox böyük idman hadisəsidir, həm də siyasi hadisədir. Bu turnirin ölkəmizdə keçirilməsi birinci növbədə dünyada təbliğatımız deməkdir. Mən bir vətəndaş kimi buna çox sevinirəm. İnanıram ki, bu oyunlar "Avroviziya"dan sonra Azərbaycanı dünyaya tanıdacaq ikinci böyük hadisə olacaq. Azərbaycanı tanımayanların hamısı belə bir dövlətin, millətin varlığından xəbər tutacaq və ölkəmizdəki gözəllikləri görəndən sonra ikinci dəfə də bura gəlmək istəyəcəklər. Bu da Azərbaycanda turizmin inkişafına təkan verəcək. Bizim bədxahlarımız, Avropa Oyunlarının Azərbaycanda keçirilməsini istəməyənlər də var. Bu, həm də onlara böyük zərbə olacaq. İdmançılarımıza, Azərbaycanımıza uğurlar arzulayıram".

Xatırladaq ki, 12-28 iyun tarixində ölkəmizdə keçiriləcək Birinci Avropa Oyunlarına 27 gün qalıb.