"Bir neçə il öncə ağlımıza gəlməzdi ki, belə mötəbər turnir Azərbaycanda keçiriləcək".

Bu sözləri Bakı-2015 I Avropa Oyunları ilə bağlı danışan xalq artisti Mübariz Tağıyev Axar.az-a bildirib:

"Avropa Oyunlarının Azərbaycanda keçirilməsi əlamətdar hadisədir. Bir neçə il bundan əvvəl heç ağlımıza gəlməzdi ki, belə mötəbər turnir Azərbaycanda keçirilə bilər. Doğrudan da, bu, ölkəmiz üçün böyük uğurdur. Hərənin bir cür yanaşması var, bəziləri araya nifaq toxumu səpməyə çalışır. Bütün neqativ söhbətləri inkar etməkdən ötrü xarici qonaqlara sübut etmək lazımdır ki, bu xalq elə deyil, biz elə deyilik. Onlar görməlidirlər ki, bu xalq azadlıqsevər, sülhsevər xalqdır. Bütün idmançılarımıza uğurlar arzulayıram".

Xatırladaq ki, 12-28 iyun tarixində ölkəmizdə keçiriləcək Birinci Avropa Oyunlarına 17 gün qalıb.