"Azərbaycanımızı tərənnüm edən gözəl bir tədbir olacaq".

Bu sözləri xalq artisti Alim Qasımov İsveçrədə verəcəyi konsert və Avropa Oyunlarının açılışındakı çıxışı ilə bağlı Axar.az-a danışarkən deyib:

"İyunun 19-22-sində Fərqanə xanımla bir yerdə İsveçrənin Martin şəhərində konsertdə olacağıq. Ayın 20-i isə təxminən bir saatlıq master-klass, yəni ustad dərsim olacaq. İsveçrədə baş tutacaq bu konsertimiz "Fayv kontinent" (Five continent) adlı dünya miqyaslı festival çərçivəsində keçiriləcək. Bu gün isə I Avropa Oyunlarının açılışında iştirak edəcəyəm. Madonnadan əvvəl və ya sonra çıxış edəcəyim haqda dəqiq proqram mənə məlum deyil. Azərbaycanımızı tərənnüm edən gözəl bir tədbir olacaq".