Bu gün Avropa Oyunlarında boks yarışlarının növbəti görüşləri keçiriləcək.

Axar.az xəbər verir ki, bu gün 5 boksçumuz növbəti mərhələ uğrunda mübarizə aparacaq.

Kişilər arasında 56 kq çəki dərəcəsində Tayfur Əliyev 1/8 finalda rumıniyalı Nikolay Andreyna ilə görüşəcək. Qarşılaşma saat 15:00-da başlayacaq.

81 kq çəki dərəcəsində ötən gün inamlı qələbə qazanan Teymur Məmmədov 1/8 finalda polşalı Yordan Kulinski ilə görüşəcək. Qarşılaşma saat 21:15-də start götürəcək.

+91 kq çəki dərəcəsində Məhəmmədrəsul Məcidov da 1/8 finalda gürcü Mixail Baxtidze ilə üz-üzə gələcək. Görüşün start fiti saat 21:45-də veriləcək.

Qadınlar arasında 51 kq çəki dərəcəsində Anaxanım Ağayeva 1/8 finalda polşalı Sandra Drabiklə üz-üzə gələcək. Qarşılaşma 13:30-da başlayacaq.

75 kq çəki dərəcəsində Leyla Cavadova 1/8 finalda rus Yaroslava Yakuşina ilə görüşəcək. Rəqiblər saat 19:00-da üz-üzə gələcəklər.

13:19

Anaxanım Ağayeva 1/8 finalda polşalı Sandra Drabiklə üz-üzə gəlir.

13:29

Ağayeva rəqibinə 3-0 məğlub olub.

15:06

Tayfur Əliyev 1/8 finalda rumıniyalı Nikolay Andreyna ilə görüşür.

15:19

Əliyev rəqibinə 3-0 qalib gələrək 1/4 finala yüksəlib.

***

Tayfur Əliyev 1/4 finalda danimarkalı Yensen Frederiklə görüşəcək. Qarşılaşma iyunun 22-də 14:00-da baş tutacaq.

19:05

75 kq çəki dərəcəsində Leyla Cavadova 1/8 finalda rus Yaroslava Yakuşina ilə görüşür.

19:16

Cavadova Yakuşina ilə görüşdə 2-0 məğlub oldu.

21:15

81 kq çəki dərəcəsində ötən gün inamlı qələbə qazanan Teymur Məmmədov 1/8 finalda polşalı Yordan Kulinski ilə görüşür.

21:33

Teymur Məmmədov 1/8 finalda polşalı Yordan Kulinskini 3-0 hesabı ilə məğlub etdi.

21:44

+91 kq çəki dərəcəsində Məhəmmədrəsul Məcidov da 1/8 finalda gürcü Mixail Baxtidze ilə üz-üzə gəlir.

22:00

Məcidov da 1/8 finalda gürcü Mixail Baxtidze ilə görüşdə qalib gəldi. Təmsilçimiz rəqibindən aşkar üstün oldu 3-0.