16:00

Bu gün Milli Gimnastika Arenasında idman gimnastikası üzrə final görüşləri keçiriləcək.

Axar.az xəbər verir ki, kişi və qadınların yarışında hər növdə 6 ölkənin idmançıları yarışacaq.

Kişilər arasında paralel qollar final görüşündə isə həmyerlimiz Oleq Stepko medal qazanmaq üçün meydana çıxacaq. Bundan başqa həmyerlimiz dayaqla tullanma və gimnastika atı və həlqələr üzrə final yarışında mübarizə aparacaq.

Qadınların yarışında isə həmyerlilərimiz finala vəsiqə qazana bilmədikləri üçün iştirak edə bilməyəcəklər.

***

16:39

İdman gimnastikası üzrə kişilər arasında sərbəst hərəkətlər yarışlarının qalibi bəlli olub.

İspaniya təmsilçisi Zapata Santana 15,333 xal toplayaraq I Avropa Oyunlarının qızıl medalını qazanıb.

İkinci yeri 15,100 xalla 27 yaşlı Almaniya təmsilçisi Fabian Hambuexen tutub. Bürünc medalı isə 1500 xalla Rusiya idmançısı David Belyavski qazanıb.

***

İdman gimnastikasında final yarışları davam edir.

Qadınlar arasında keçirilən dayaqla tullanma yarışlarının qalibləri məlum olub.

İsveçrəli idmançı Giulia Steinqruber 14,999 xalla bütün rəqiblərini qabaqlayaraq Avropa Oyuunlarının qızıl medalını qazanıb. Gümüş medalı isə Rusiya idmançısı, əslən erməni olan Seda Tutxalyan qazanıb. O, 14,683 xal toplaya bilib. Bürünc mmedalın sahibi isə Hollandiya idmançısı olub. 18 yaşlı Lisa Top 14,016 xal toplayaraq turniri üçüncü başa vurub.

16:55

İdman gimnastikası üzrə kişilər arasında keçirilən gimnastika atı yarışlarının qalibləri məlum olub.

Qızıl medalı 14,966 xalla lovakiya idmançısı Saso Bertonlej qazanıb. Turnirin gümüş medalını isə həmyerlimiz Oleq Stepko qazanıb. Idmançımız 14,600 xallıq nəticə göstərərək Avropa Oyunlarının gümüş medalına sahiblənib.

Üçüncü yeri isə Böyük Britaniya idmançısı qazanıb. Brinn Bevan 14,200 xal toplayaraq bürünc medalla kifayətlənib.

***

İdman gimnastikası yarışlarında kişilərin halqalar üzrə mübarizəsində qalib adlar bəlli olub.

Qızıl medalı yunanıstanlı Petrounias Eleftherios qazanıb. O, 15,633 xal toplayaraq oyunların qızıl medalını qazanıb. Ikinci yeri isə rusiyalı gimnast Nikita İqnatyev qazanıb. Bürünc medalı isə türkiyəli idmançı İbrahim Çolak qazanıb. Həmyerlimiz Oleq Stepko göstərdiyi nəticə ilə 4-cü olub.

17:55

İdman gimnastikası yarışlarında qadınlar arasında müxtəlif hündürlüklü qollar üzrə I Avropa Oyunlarının qalibləri məlum olub.

Qızıl medalı gözlənildiyi kimi, olimpiya oyunlarının qalibi, rusiyalı idmançı Aliya Mustafina qazanıb. O, 15,400 xal toplayaraq bütün rəqiblərini geridə qoyub. İkinci yeri isə 15,200 xalla almaniyalı gimnast Sofie Şeder qazanıb. Rumıniya idmançısı İridon Andrea 12,800 xalla bürünc medalı qazanıb.

18:27

İdman gimnastikası yarışlarında kişilər arasında dayaqla tullanma üzrə qaliblər məlum olub.

Ukrayna təmsilçisi Oleq Vernyayev bütün rəqiblərini qabaqlayaraq 15,266 xalla I Aropa Oyunlarının qızıl medalına layiq görülüb. Hollandiya təmsilçisi Kasimir Şmidt isə 15,116 xallıq nəticə ilə gümüş medalı qazanıb. Həmyerlimiz Oleq Stepko isə üçüncü olub. O, 14,966 xalla bürünc medalı qazanıb.

Xatırladaq ki, Stepko bununla da medal sayını ikiyə çatdırıb.

***

İdman gimnastikası yarışlarında qadınlar arasında gimnastika tiri üzrə qaliblər məlum olub.

Hollandiyalı xanım idmançı Lieke Vevers 14,200 xal toplayaraq turnirin baş mükafatını qazanıb. Rumıniyalı gimnast İridon Andrea 14,000 xalla ikinci olub. Bürünc medal isə İsveçrəyə gedəcək. Bu ölkənin gimnasdtı Giulia Steinqruber 13,700 xal toplaya bilib.

19:37

İdman gimnastikası yarışlarında kişilər arasında paralel qollar üzrə qaliblərin adı bəlli olub.

Həmyerlimiz Oleq Stepko 15,733 xalla I Avropa Oyunlarının qızıl medalını qazanıb. Bununla da idmançımız medalların sayını 5-ə çatdırıb.

İkinci yeri 15,700 xalla Rusiya idmançısı David Belyavskiy qazanıb. Bürünc medalı isə 15,600 xalla Rumıniya idmançısı Marius Berbekar qazanıb.

***

İdman gimnastikası yarışlarında qadınlar arasında sərbəst hərəkətlər üzrə qaliblər məlum olub.

İsveçrə idmançısı Giulia Steinqruber 14,266 xalla fəxri kürsünün ən yüksək pilləsini tutub. Rusiyalı gimnast Aliya Mustafina cüzi fərqlə - 14,200 xalla ikinci olub.

Bürünc medalı isə 13,800 xalla Hollandiya təmsilçisi Lieke Vevers qazanıb.

20:02

İdman gimnastikası üzrə kişilər arasında turnik yarışlarının qalibləri bəlli olub.

Almaniya təmsilçisi Fabian Hambuexen 15,533 xal toplayaraq I Avropa Oyunlarının qızılı medalını qazanıb. 15,366 xal toplayan Yunanıstan idmançısı Maras Vlasios gümüş, Rusiya gimnastı Nikita İqnatyev 15,166 xal toplayaraq bürünc medalı qazanıb.

Bununla da İdman gimnastikası yarışlarına yekun vurulub.